वार्षी (हनुमंतपाडा)  हे महाराष्ट्र राज्यातील नाशिक जिल्ह्यातील देवळा तालुक्यातील एक प्रगतशील व ऐतिहासिक गाव आहे. २०११ च्या जनगणनेनुसार या गावाची लोकसंख्या सुमारे १८१४ आहे. गावामध्ये जिल्हा परिषद प्राथमिक शाळा २, अंगणवाडी केंद्रे ४ ,माध्यमिक विद्यालय ० ,प्राथमिक आरोग्य उपकेंद्र ० व व्यायामशाळा १ अशी शैक्षणिक सुविधा उपलब्ध आहेत. तसेच सप्तशृंगी माता मंदिर व हनुमान मंदिर आणि दुर्गा माता मंदिर  हे प्रसिद्ध देवस्थान आहे. सामुदायिक सभामंडप, पाणीसाठवण, सार्वजनिक विहिरी व शेततळी अशा धार्मिक व सामाजिक सुविधा देखील आहेत.
गावातील बहुतांश लोकांचा मुख्य व्यवसाय शेती असून अधिकतर  कांदा, बाजरी, गहू व मका ही प्रमुख पिके घेतली जातात. कांदा व मका  या पिकांच्या लागवडीमुळे गावातील शेतकऱ्यांना चांगले उत्पन्न मिळते.
वार्षी (हनुमंतपाडा)  ग्रामपंचायतीत विविध शासकीय योजना प्रभावीपणे राबविल्या गेल्या आहेत. घरकुल योजना अंतर्गत शेकडो घरांना लाभ मिळाला आहे. स्वच्छ भारत अभियान अंतर्गत वार्षी (हनुमंतपाडा) गावाने संपूर्ण खुले शौचमुक्त (ODF+) दर्जा मिळवला आहे. जलसंधारण व पाणीपुरवठा योजना अंतर्गत गावात पाणीपुरवठा नियमित करण्यात आला आहे ज्यात गावाला अटल भूजल योजनेत जिल्हास्तरीय स्थान पटकावले. 
ग्रामपंचायत सरपंच, उपसरपंच व ७ सदस्य, ग्रामपंचायत अधिकारी व कर्मचारी मिळून गावाचा सर्वांगीण विकास घडवून आणतात. ग्रामपंचायतीचे निर्णय लोकसहभागातून घेतले जातात.