विखारा…. _ पहाड
सह्याद्री पर्वत रांगेतील सातमाळ पर्वत. यांतील उत्तरेकडून पूर्वेकडे पसरलेली सातपुडा पर्वतरांग यातील एक पहाड म्हणजेच, देवळा तालुक्यातील विखारा पहाड. निसर्गाने नटलेले सौंदर्याचं मन मोहून टाकणारे हे ठिकाण. येथे गोरक्षनाथांचे समाधी आहे. नाथ संप्रदायातील हे एक महत्त्वाचे नाथ. या नवनाथांनी जगभर भ्रमंती केली. ठीक ठिकाणी मठ उभारले. जनकल्याणाच्या अनेक गोष्टी यांनी करून ठेवले आहेत. या पहाडावर ती गेल्यावर निसर्गाचा मनसोक्त आनंद घेता येतो. पंचमी, एकादशी ला येथे दर्शनासाठी मोठा जनसागर गोळा होतो. खान्देशातून येण्यासाठी एक मार्ग व नाशिक चांदवड वरून येण्यासाठी एक मार्ग असे मार्ग आहेत. वर्षातून एकदा येथे मोठी यात्रा भरली जाते. या डोंगराच्या पोटाला अनेक वनौषधी वनस्पती व झाडे आहेत.
या पहाडा पासून वीस किलोमीटर अंतरावर श्याम चे छोटेसे गाव आहे. तेथून या पहाडाचे सुंदर दृश्य छोट्या डोंगरान वरून दिसते. हे निसर्गाचे सौंदर्य बघण्यासाठी श्याम आपल्या शहरातील मित्र परिवार सोबत या पहाडावर ती फिरायला गेला. मनसोक्त निसर्गाचा आनंद घेत, सेल्फी काढत, मंदिरा पर्यंत पोहोचले. नंतर तिथे जेवण वगैरे करून पुन्हा नवनवीन झाडे- वेली यांची माहिती गोळा करू लागले. काही तर अशाच निसर्गाच्या सानिध्यात आपला संसार थाटावा असे मत व्यक्त करत होते. त्यांनी या आधी इतके सुंदर दृश्य शहरात कधीच बघितले नव्हते. इतके सुंदर दृश्य, मोकळी स्वच्छ हवा, निर्मळ पाणी.. जनावरे देखील येथे मुक्तपणे संचार करीत होते.
दर्शनाला आलेले भाविक कधीच निराश होऊन परत नाही इथून गेलेल्या प्रत्येकाच्या चेहऱ्यावर एक वेगळाच आनंद झळकत असतो. श्याम आणि त्याच्या मित्रांना एक अविस्मरणीय भेट त्यांनी दिली.
या पर्वत रांगेने अनेक ऐतिहासिक वारसा स्थळे जतन करून ठेवलेली आहेत. विखारा पहाड च्या आपण जसे पश्चिमेकडे जाऊ त्याच्याशेजारीच भव्य असा धोडप किल्ला आहे. त्याच्या पायथ्याशी हट्टी हे निसर्गाने नटलेले छोटसं गाव आहे. तिथला खवा हा नाशिक जिल्ह्यात प्रसिद्ध आहे. या किल्ल्याचा इतिहास गौरवशाली आहे. त्याच्या पश्चिमेस मार्तंड रुषी चे पहाड आहे. या पहाडाला ही विशेष इतिहास आहे. त्याच्या समोरचा सप्तश्रृंगी गड तर सर्वश्रुत आहे.